Mile Pyaar Ke Badle Mujhe Pyaar Zaroori To Nahin,

Har Khwahish Ka Karein Izhar Zaroori To Nahin.

Har Lamha Aankhon Mein Us Ke Deed Ki Pyaas Hai,

Wo Bhi Kare Kahin Mera Intezar Zaroori To Nahin.

Sote Nahin Ki Khwabon Mein Bhi Juda Na Ho Jayein,

Wo Bhi Rehte Ho Shayad Bekarar Zaroori To Nahin.

Mujhe Pyar Hai Us Se Meri Zindagi Se Bhi BadhKar,

Magar Sare Bazaar Ye Ikraar Zaroori To Nahin.

Abhi To Shuru Kiya Hai Safar E Muhabbat MaiNe,

Yahan Bhi Rashte Ho Humwaar Zaroori To Nahin.

           

Mushkilon Ka Jaise Hai Ek Safar Zindagi,

Kat Payegi Kaise Ye Meri BeHunar Zindagi.

Jaise Koi Sehra Ka Lamba Sa Safar Ho,

Is Tarah Karni Hoti Hai Basar Zindagi.

Milte Nahin Jahan Ek Baar Bichadne Wale,

Tanhaiyon Ka Aisa Hai Ye Shehar Zindagi.

Har Taraf Andhera Hai Har Taraf Dahsatein,

Kanto Bhara Lagta Hai Ab Ye Dagar Zindagi.

TootTe Taron Ki Tarah Dhalte Suraj Ki Tarah,

jaise Guzartri Huyi Sham Ki Ek Pahar Zindagi.

Khud Hi Apni Hasti Ko Ab Mita Raha Hun Main,

Shayad Ab Us Ko Bhoola Raha Hun Main.

Sab Ke Naseeb Mein Nahin Hoti Hai Muhabbat,

Ye Aaina Is Pagal Dil Ko Dikha Raha Hun Mein,

Ye Dooriyan Pasand Thi Use Ye Kaha Tha Us Ne,

Aaj Us Se Bahoot Door Kahin Ja Raha Hun Main.

Wada Kiya Tha Maine Use Har Khushi Dene Ka,

Wohi Ek Wada Aaj Bhi Nibha Raha Hun Main.

Kaha Tha Us Ne Achche Lagte Ho Hanste Huye,

Dekh Lo Aaj Bhi Tanha Mushkura Raha Hun Main.

Mein Ishq Ab Khud Se Bhi Door Ho Gaya Hun

Apne Dil Ke Hanthon Majboor Ho Gaya Hun,

Mein Ishq Ab Khud Se Bhi Door Ho Gaya Hun.

Junoon Hai Aisa Mujh Par Us Ki Muhabbat Ka,

Diwana Is Shaher Mein Mashoor Ho Gaya Hun.

Use Pana Bhi Mushkil Hai Khona NaMumkin,

In Halaaton Se Ab Main Ranjur Ho Gaya Hun.

Saanson Se Bhi Jyada Mujhe Chahat Hai Us Ki,

Par Us Ki BeRukhi Se Chur-Chur Ho Gaya Hun.

Sab Jeet Kiye Mujh Pe Muhabbat Ki Bazi Mein,

Haarte Rehne Ka Jaise Ek Dastoor Ho Gaya Hun.

Hum Apne Aap Ko Hi Aakhir Kahan TalaseNge.

Kahain Zamin To Kahin Pe Aasman TalaseNge,

Hum Apne Aap Ko Hi Aakhir Kahan TalaseNge.

Khud Kho Chuke Honge Bemanzeel Rahon Mein,

Ghum Ke Shahra Mein Kahin Shayban TalaseNge.

Samajh Paye Jo Shakhs Mere Hasrat E Dil Ko,

Koi Aisa Hi Ab Hum Ek Humzuban TalaseNge.

Khud Ko Jalte Dekhte Huye Bhi Bekhyali Mein,

Kahan Se Uth Raha Hai Ye Dhuan TalaseNge.

Ho Jayenge Khud Hi Door Is Bewafa Jahan Se,

Phir Khud Ko Hum Apne Hi Darmiyan TalaseNge

Tanha Raston Ka Ek Safar Hai Ye Zindagi,
Aansuon Ka Ek RaahGuzar Hai Ye Zindagi.

Jo Chaudhvin Raat Ko Dhoondhe Chandni,
Kuch Aisi Betaab Nazar Hai Ye Zindagi.

Aaj Bhi Tanha Hai Muhabbat Ke Baad Bhi,
Jaise Ek Suni Suni Dagar Hai Ye Zindagi.

Khone Pane Ke Do Kinaron Mein Bant Kar,
Kabhi Idhar To Kabhi Udhar Hai Ye Zindagi.

Dil Mein Ghumon Ka Tufaan Samet Kar,
Ro Kar Muskurane Ka Hunar Hai Ye Zindagi.

Aaj Chamka Hai mukaddar Rang Layi Zindagi.

                                                                     
                                                                     


Tham Kar Tumhara Daman Jhilmilayi Zindagi,


Aaj Chamka Hai mukaddar Rang Layi Zindagi.

Aapke Pahlu Mein Aa Kar Mujhe Ehshas Huaa,
Jis Tarah Phir Dobaraa Hum Ne Payi Zindagi.

Mere Zindagi Ki Har Khwahish Tum Se hai Ab,
Le Ke Khushiyan Betahasha Aaj Aayi Zindagi.

Teri Muhabbat Aur Teri chaahat pyaar tera,
Ban Ke Kitne Rang Mujh Par Chaayi Zindagi.

Muhabbat Ke Wadon Se Bandha Ye Rishta Apna,
Ab To Hai Na Mumkin Kare Jo BeWafai zindagi.